Dezent

Gestern då hätt i mi fåst net dafången

Jå i bin hoit g’ången durch’s Leichenschauhaus

I pick ån da Scheib’n, mir kummt fåst des Speib’n

Då liegt jå de oide Frau Klaus

 

I håb’s nie bestritten, sie håt schene Aug’n

Sie håt ma guat g’fålln, des is a mei Recht

Doch wår da ein Mief, der kam aus’m G’fries

Då wird jå an jedm schlecht

 

De Zähnt de riach’n dezent, dezent

De Zähnt de riach’n dezent

De Zähnt de riach’n dezent, dezent

Dezent riachn de Zähnt

 

De Frau wår a Diva, håt g’håbt an Retriever

Mit dem wår’s dånn Gassi, drei moi am Tåg

Des Viech wår a Lack’l, des Gack’l fia’s Sackl

Håt meistens net g’reicht går ka Fråg

 

Der Hund, der wår feü und håt g’feüt aus’m Meü

I was net wås de eam zum Fress’n geb’n håt

Fakt der da is, er håt g’feüt aus’m G’fries

Und nåch zwarazwanz’g Joah wår a tot

 

De Zähnt de riach’n dezent, dezent

De Zähnt de riach’n dezent

De Zähnt de riach’n dezent, dezent

Dezent riachn de Zähnt

 

Wien is  jå eigentlich a schene Stådt

De Infrastruktur afoch klass

Nur de Politik, de schreit nåch Kritik

Des måcht hålt echt kann Spaß

 

Da Michael Häupl is båld nimma då

Mim Nåchfolger gibt’s a Problem

Die Pap‘n vom Schieder riacht net gråd nåch Flieder

Des is net aungenehm

 

De Zähnt de riach’n dezent, dezent

De Zähnt de riach’n dezent

De Zähnt de riach’n dezent, dezent

Dezent riachn de Zähnt

 

Und a unser Ludwig, der riacht wengal streng

I was eh er kånn nix dafia

Probleme mim Måg‘n, er kånn nix vatrågn

Ka Beischl, kan Schnåps und ka Bier

 

Då hüft goa ka Tee und ka Atemspray

Wennst feüst aus‘m Meü wia a Kuah

A Zahnårztbesuch hebt auf jeden Fluch

Und weg is da Mundgeruch

 

De Zähnt de riach’n dezent, dezent

De Zähnt de riach’n dezent

De Zähnt de riach’n dezent, dezent

Dezent riachn de Zähnt

 

Ja und die Moral von dieser Geschicht

Glaubt’s mas oder net

Waunnst stinkst aus’m Mund, egal wöcha Grund

Geht kana mehr mit dir ins Bett